Os gabinetes de comunicación conseguiron durante as últimas décadas ser os artífices
dunha parte importante da axenda mediática e, en moitos casos, da maioría das
informacións publicadas polos medios de comunicación. Coa chegada da denominada
"Sociedade da Información" e a introducción paulatina das tecnoloxías da información e
a comunicación nas redacción dos diferentes medios de comunicación, abríase unha
esperanza ao cambio, a posibilidade de contraste de fontes e mesmo da publicación de
diferentes temas nas noticias distintos aos propostos polos medios de comunicación.
Sen embargo, a realidade durante os últimos anos indica que os gabinetes de
comunicación están volvendo a dar pasos antes que os xornalistas dos medios no
emprego da rede.
A proposta de comunicación presenta os resultados dunha investigación realizada nos
últimos anos sobre os gabinetes de comunicación on line na que se analiza a realidade e
as experiencias das principais empresas no ámbito da comunicación organizacional en
rede. Os métodos de investigación empregados combinan as entrevistas en
profundidade, coas enquisas e a análise do discurso.