Nesta comunicación exponse unha análise da comunicación na RSC e no marketing social como actividade complementaria na xestión da imaxe da organización e o seu posicionamento como marca ante os seus públicos. Incídese na responsabilidade social corporativa (RSC) como unha actitude de diálogo das organizacións e os seus públicos a través de compromisos de actuación en melloras sociais. A RSC ha de facerse visible desmarcándose do marketing social, pero procurando reformar a imaxe de marca da organización e, indirectamente, como elemento de valor engadido fronte á competencia. Búscanse modelos referenciais para un plan de comunicación que permita facer visible a RSC sen caer en estratexias propias do marketing social.