A auditoría é unha das aplicacións dos principios científicos da contabilidade, baseada
na verificación dos rexistros patrimoniais das facendas para analizar a súa exactitude,
pero o seu uso estendeuse a outras moitas áreas: entre elas, a comunicación.
Nun  contexto  cambiante,  as  organizacións  que  mellor  saiban  adaptarse  teñen
garantido o seu éxito. Pero para iso, para gañar en adaptabilidade, precisan analizar as
súas  relacións  externas  e  internas,  repensar  os  seus  obxectivos,  contemplar  as  súas
fortalezas e debilidades.
A auditoría de comunicacións constitúe unha ferramenta  indispensable neste proceso
de  análise  e  reflexión  que  realiza  a  organización  no  camiño  das  súas  metas.  No
presente traballo, contemplamos a historia, o enfoque actual, os modelos existentes e
os puntos de análise que se bareman nunha auditoría de comunicación.